Объявления
20.09.2022
Экалагічная акцыя па прыбіранні смецця "Мы клапоцімся"
Студэнтаў запрашаюць далучыцца да акцыі з 26 верасня па 9 кастрычніка. |
Мерапрыемтсва арганізаванае "Рэспубліканскім цэнтрам экалогіі і краязнаўства" у партнёрстве з унітарным прадпрыемствам "Кока-Кола Беўрыджыз Беларусь".
Для ўдзелу ў акцыі ўстановы адукацыі самастойна вызначаюць тэрыторыі, якія патрабуюць збору і вывазу смецця. Удзельнікам неабходна сабраць адходы пластмасы, шкла, металу, выключаючы арганічнае (трава, лісце і г. д.) і гумавае(пакрышкі, шыны), будаўнічае смецце , тэхніку. Пра гэтыя адходы неабходна паведаміць у мясцовыя выканаўчыя органы ўлады. Розныя віды смецця трэба збіраць у асобныя пакеты. Адходы неабходна падзяліць на 5 катэгорый: "ПЭТ (поліэтылентэрэфталат)", "Пластык і плёнка", "Шкло", "Метал", "Астатняе смецце". Усе мяхі са смеццем павінны быць сабраны ў адным месце, загадзя вызначаным удзельнікамі і узгодненым з мясцовым аддзелам жыллёва-камунальнай гаспадаркі. Усе каманды спаборнічаюць паміж сабой па каэфіцыенце збору адходаў. Ён вызначаецца па формуле K = M / N, дзе М - маса сабранага смецця (кг), N - колькасць удзельнікаў каманды. Пераможцы і прызёры экалагічнай акцыі атрымаюць сувенірную прадукцыю ад унітарнага прадпрыемства "Кока-Кола Беўрыджыз Беларусь", таксама гэта кампанія вызначыць спецыяльны прыз. Падрабязней пра ўмовы правядзення акцыі тут. |