Гурток аматараў беларускай мовы "Прамова"
Гурток аматараў беларускай мовы "Прамова" працуе пры кафедры агульнаадукацыйных дысцыплін ФДПіПА.
Куратары праекта - выкладчыкі беларускай мовы Наўроцкая Ірына Валянцінаўна і Албут Анастасія Анатольеўна.
Гурток паўстаў дзякуючы ініцыятыве актыўных, апантаных, творчых студэнтаў БДУІРа:
Цімохава Антона (ІЭФ, 3 курс), Красноўскай Паліны (ІЭФ, 3 курс), Клокавай Ганны (ІЭФ, 2 курс), Багданавай Ірыны (ФКСіС, 3 курс).
На занятках праводзіцца выклад матэрыялу па наступных рубрыках:
1. Цікавінкі са скрынкі (матэрыялы з гісторыі мовы, культуры, архіўныя даныя)
2. Прамова пра мову (тэарэтычная і практычная граматыка беларускай мовы)
3. Мэтр і К° - метрыка (беларускія навукоўцы і шаноўныя дзеячы культуры)
4. Складайма слоўнік (разгляд і сістэматызацыя беларускай ІТ-лексікі)
5. Пагулянка (гульні,віктарыны, крыжаванкі)
6. Госці, госці, госці (беларускамоўныя пісьменнікі і таленавітыя студэнты БДУІРа)
7. Дзесьці штосьці (рэфлексія, падвядзенне вынікаў заняткаў)
Змест заняткаў максімальна набліжаны да будучай прафесійнай дзейнасці студэнтаў універсітэта (ІТ-тэхналогіі, маркетынг). Праца гуртка скіравана на перспектыву стварэння нацыянальнага беларускамоўнага высокатэхналагічнага прадукту.
Навіны: 24 сакавіка "Прамова"аб’яднае студэнтаў-аматараў беларускай мовы БДУІР (+відэасюжэт)
|
